一樣米養百樣人，不過其實100個香港人，有99個都係同一種人，就係唔慢得、唔輸得、唔蝕得，只要你去一轉超級巿場，就可以一次過見晒呢啲人：
1.唔收銀嘅收銀櫃
無論超巿有幾多個收銀櫃都好，永遠淨係開一兩個嚟用﹐其餘嗰啲，其實係出入通道嚟。
2.快速轉線
排隊嘅人紮晒馬咁?實收銀員，一有疑似開新檔嘅跡象，就立馬9衝上位！
3.排住先
你以為前面個細路淨係買盒朱古力，應該好快，點知輪到佢嗰陣，佢老母連同一架載滿晒嘢嘅車仔，就會突然出現。
4.滿城盡是黃金莎
逢過時過節，超市就會出現黃金牆－－一大堆金莎放埋一齊，姨媽姑姐亦會順手執返幾盒，然後輪到我屋企出現一個黃金角。
5.飄移細路
每一間超市，都有著自己嘅最速傳說。而每個細路都係阿木，佢哋手上嘅購物車，就係佢哋心中嘅GTR，想當年，毛孩我都有過一架，仲炒過幾次車……
6.海底撈月
可能香港人慣咗手勢摷嘢啩，買親嘢都係要摷到最入、攞最入嗰罐，乜愈入真係愈新鮮愈正點咩？摷完又要逐罐逐罐放返好都幾煩。
7.瘋狂試食
正所謂「有得食唔食，罪大惡極」，食乜都好啦，身為香港人，有免費嘅嘢仲唔食咗先？而齋試唔買是常識吧，不過點都要扮吓唔係好啱食先嘅。
8.超巿數學
喺超市嘅世界入面，1+1有時係等於3。即係點？買1件6蚊，買2件又係6蚊，好抵。
.jpg)
