又到咗毛毛考考你嘅時間，第一題，知唔知rock n roll嘅手勢係點做？如果你係舉起咗隻手指公、食指同尾指嘅話，sorry呀，你答錯咗喇，因為你做緊嘅係Love嘅手勢呀，rock n roll手勢淨係要舉起食指同尾指㗎咋～

嗱嗱嗱，就算你答啱咗都唔好咁得戚住呀，答埋呢題先講啦！到底呢個手勢代表咩呢？

話說有個台灣嘅男網民，佢話成日都見到啲台妹豬sss影相嗰陣做呢個手勢，但佢就丁丁插沙都諗唔明到底呢個手勢係咩意思，咁咪諗住上網問下人點解囉，而一眾網民都即刻衝出嚟答～

嗚哇，咁L多個解釋，邊個先啱呀？

呢個手勢係「愛心」咁解呀！唉，其實呢個手勢好耐之前就已經有啦，係由韓國嗰邊興起嘅，問呢個問題嗰位男網民梗係睇得韓劇少嘞！而一眾妹豬sss咁鍾意睇韓劇、追韓星，就梗係一早知呢個手勢點解啦～

btw，唔止追開韓星嘅妹豬sss鍾意用呢個手勢，而家連貓奴總統都做呢個手勢喇！

嗯，睇嚟毛毛都要瘋狂練呢個手勢同女神表達愛意先得......

封面圖片來源：Guan Hong／●【爆廢公社】●

資料來源：●【爆廢公社】●、vi.sualize.us、韓星網、蔡英文