節目重溫
星期三港案

良心發現,認真製作,

緊貼時事,淺入深出。

毛記電視新聞部出品,每集5至10分鐘不等,

毛記主播聲音導航,超微型新聞紀錄片。

Stella喺6年前由做義工開始、到今日做埋全職口述影像員

其實佢就係想將電影化成為聲音,等視障人士可以我哋一樣,睇到電影...
Lyson幾年前就開始喺旺角做花式足球嘅街頭表演。旺角,就係佢第一個夢想成真嘅舞台。

本來以為喺度搵到自己嘅舞台,但係幾年前開始,呢度好似慢慢唔同哂—多咗啲大媽、多咗啲喇叭...

支持殺街,只係迫於無奈嘅最後選擇...
而下下攬炒,其實我哋香港人,仲有幾多嘢可以輸呢?
你覺得油麻地點?有戲睇、有生果賣、有煲仔飯、有啲嘈,有啲多車?

由一出世就住喺油麻地嘅插畫家慧惠,覺得油麻地並唔係咁膚淺,所以佢就用咗一年時間,去畫咗油麻地唔同嘅地方。

佢畫嘅畫其實係一封信,一封佢寫畀油麻地嘅情信。
同每一個女仔一樣,Phoebe細細個就憧憬大個咗可以有一個屬於自己嘅家,裡面有佢愛,同愛佢嘅人。

不過7年前,Phoebe生咗細仔。就喺嗰一刻開始,Phoebe嘅世界好似唔同晒,佢愛嘅人、以為愛佢嘅人竟然選擇離開呢個家......

Phoebe每日都好驚,好驚最後會得返自己一個......

你母語係咩啊? 對Raymond嚟講母語就係日日講嘅粵語!
因為無意中開始睇咗啲用廣東話口語寫嘅書,就發現粵語其實好鬼勁!
佢仲喺4年前,加入咗一個用粵語寫詞典嘅義工小組,畀更多人認識粵語𠻹!
佢叫阿富。14年前,即係22歲個陣,啱啱出嚟見識呢個社會。年少氣盛,以為冇嘢輸唔起嘅佢,因為一場交通意外,令到佢冇左一隻手。

呢14年嚟,唔單止身邊嘅人,就連佢自己都睇唔起自己,覺得自己嘅人生玩完。
今日阿富可以好平靜咁講返截肢嘅事出嚟,因為佢經已戰勝咗不幸。阿富好想話畀大家知,即使少咗一隻手,佢嘅人生都一樣可以過得好滿足,就憑一隻手,佢都可以拉奏出一首首動人嘅樂曲。
呢度係花,呢度係花,連呢度都係花!嘩!畫到成間屋都係花嘅,就係佢,花婆婆。今年87歲嘅花婆婆每日一起身,就會拎起支畫筆畫畫,呢度畫下,嗰度畫下,有時會畫下貓貓狗狗,但最鍾意畫、畫得最多嘅,都係一朵朵、五顏六色嘅花。

本身喺花墟賣花嘅花婆婆,退休之後,已經畫咗超過3000朵花喇。之所以咁勤力畫花,因為花婆婆想用佢餘下嘅時間,去多謝花。
喺美孚一個好唔起眼天橋底,有一檔補鞋舖。
呢度嘅老闆蘇師傅由細到大就幫屋企人手補鞋,一補就補咗40幾年喇。
無論係咩種類、爛到有幾誇張嘅鞋,只要補到,蘇師傅都會補返好佢。

蘇師傅話:「鞋要好,路先會行得穩。」
呢間補鞋舖叫「根記」,因為鞋就係每一個人嘅根。
而呢度,亦都係蘇師傅嘅根。
上星期,有一隻銀狐犬「小白」懷疑被主人掉落海、後來成功被水警救返之後,再被主人用殘忍嘅手法殺害。
本來對主人忠心耿耿、值得被愛錫嘅小白,結果喺受盡一切折磨之下,帶住痛苦離開呢個世界。

本身係動物義工嘅Ricco,一直以嚟都見到唔同狗仔因為各種原因被主人虐待、遺棄。佢就係一次救狗行動入面拯救咗圓圓同豆豆,最後仲收養埋佢哋。

Ricco希望,可以透過圓圓同豆豆話畀大家知,每一隻狗仔都唔應該無辜咁被人拋棄、虐待
因為一次養青蛙嘅經驗,阿希 佢就同呢個兩棲類世界接通咗,仲同佢哋做埋好朋友。
不過呢班朋友唔係成日見到。有時阿希會好掛住佢哋,掛到三更半夜自己一個上山搵佢哋...
唔講唔知,原來呢個香港有好多呢啲兩棲類動物㗎!

不如下次見到青蛙啊、四腳爬爬啊
不要說:哇!快啲打死佢哋啊!
試著說:哇!呢隻青蛙都幾cute啊!

毛記電視網站 · 版權所有 · 不得轉載 Copyright © TVMOST.COM.HK All rights reserved