你以為全港毒L呢兩日瘋狂日聽夜聽嘅Juno幾部曲，包括《念念不忘》、《耿耿於懷》同埋《瑕疵》係單戀情歌？Sor9ly，Youtube話畀你聽，原來佢哋係恐！怖！片！

雖然就嚟7月14，不過毛毛為咗尋根究柢，幾恐怖都唔驚，無限輪迴loooooooooooooooooooop咁樣睇呢幾條片，誓要搵出佢究竟恐怖喺邊。

啲恐怖片通常都係成個畫面黑媽媽，隱隱約約見到有人影但又見唔到樣（好似係）。而呢條片成條都係喺見到同見唔到之間，長達4:54，咁睇法睇完之後真係會念念不忘……

不過，畫面上嘅恐怖只係最低層次，呢幾條片最恐怖嘅地方係在於，點解佢可以幾首歌幾句歌詞就講中晒全港千千萬萬個毒L嘅心聲㗎？我覺得自己好似突然乜都畀人睇（穿）晒咁，好驚呀！

來源：Youtube