有網民喺北角街市食飯嗰陣，突然有個啤酒蓋同匙羹飛埋嚟，老闆即刻話請兩支啤酒當賠罪，之後仲兩支變六支，最後連餐飯都請埋！老闆好人就唔使講啦，點知老闆仲一時興起，同班後生食客一齊跳舞Battle！

老闆話咁易就落咗個一字馬，周圍啲食客都拍爛手掌，不過班後生仔都唔弱，一睇就知道大家係舞林中人啦，之後老闆仲邀請咗個女食客出嚟一齊跳，轉返幾個靚圈，將全場嘅氣氛推至最高峰！I feel so high high high～！

聽啲街坊話，老闆個朵曾經響絕七八十年代嘅Disco界，哦，原來係跳老舞高手！唔怪得連在場嘅外國人都要拎電話出嚟拍低老闆嘅英姿啦！

唔通老闆就係北角貓王？！睇完條片真係覺得好熱血，毛毛都想同老闆一齊跳返part舞呀，不過淨係識跳開心舞，受唔受毛毛玩先？

資料來源：Tash Natasha So