張超雄議員喺Facebook話自己呢頭喺水泉澳邨開完居民大會，嗰頭就收到房署嘅警告信，警告信啫，又唔係恐嚇信......警告你即係提醒你，提醒你即係關心你，唔通你咁都唔明正苦係幾咁用心良苦？

張議員仲話，之前驗到四個水泉澳單位嘅水樣本含鉛量同含鎳量超標，打畀張炳良同水務署署長，就連電話都唔覆......有網民都表示話：「他媽的就是道理，我們的就是不理！」，其實你哋唔怪得人嘅，呢排電話騙案多呀嘛，小心為上係應該嘅！ 

嗱，張議員就因為收咗房署警告信而嬲豬吖，但全球有幾千億條廢青因為集會多過三個人，甚至畀人告非法集會㗎！咁樣諗係咪會開心啲呢？

來源：張超雄Facebook