個零禮拜前，田二少教識大家「一眼睇穿中國人」，邊個係中國人，邊個唔係，田二少睇膚色就知。

有讀者就發現呢個「膚色論」原來一早喺1999年嘅大台劇集《狀王宋世傑2》嘅「同治十三年」個單元裡面已經出現鳥！

當時宋世傑（張達明飾）同人對簿公堂嗰陣，就大大聲咁指住費林明（黃智賢飾）話：黃皮膚黑眼睛，一睇就知係中國人啦！嘩，咪exact7ly同田二少嘅結論一樣囉，睇嚟田二少都係大台嘅粉絲喎！咪住，不過毛毛懷疑田二少當年睇到呢度就去咗廁所、或者唔知點解行開咗，冇睇到落去……

因為之後對手賴三（黃子華飾）即刻就搵咗個日本人出嚟反駁喇！如果田二少當年唔係急得滯行開咗，今日就唔會以為minions都係中國人咁傻豬啦唉。between，估唔到大台嘅劇集原來都幾有教育性同前瞻性㗎喎。

延伸閱讀：田二少：睇皮膚，唔係中國人唔知係咩