強國一向愛民，對於民意當然樂於聽取，只不過大家要明白所有政策都要循序漸進，絕對唔能夠一步登天。當時機成熟，就自然會推行相關措施，就好似呢個「一孩政策」咁，今日黨開完五中全會，就正式宣佈取消喇，鼓勵國民啪啪啪多⋯⋯一個咁多，即係「兩孩政策」呀！絕對係突破性發展呀，啪啪啪啪啪啪！

根據估計，喺新政策實施之後，強國每年可以多800萬個B，即係每年多多一個香港咁呀！嘩，咁計法，世界都是強國人不是夢呀！

相信世界各地好快就會出現以上嘅情況，周圍都係多多人、多多車、多多水泡、多多水貨、多多屎⋯⋯到時大家就要忍忍忍忍忍等等等等等迫迫迫迫迫⋯⋯不過，又唔係樣樣嘢都多晒，咁迫嘅，有啲嘢都會少咗，空位多咗，例如：奶粉。

唉，連吸啖空氣都多咗成800萬個人些牙喇嗚呀！

封面圖片來源：明報財經網

來源：蘋果日報