早排西鐵就話會加一卡車廂咁大把呀，但迫到爆嘅東鐵就會減三卡車廂喎！幾年前港鐵已經話咗沙中線喺2019至2022年分段通車之後，東鐵列車會由而家12卡減到9卡，仲聲稱會更新訊號系統，增加班次，嚟抵消減車卡嘅影響。

有北區居民就特登去咗大圍站觀察啲火車嘅到站時間、隔幾耐一班車、上落客時間同閂幾多次門先成功閂到，仲整埋個表，話畀大家知東鐵線減三卡車廂有咩影響！

東鐵減咗三卡車廂之後，要由一個鐘24班車，加到32班車先搞得掂喎。

如果你畀啲數字搞到頭都暈埋，不如諗下呀，上落客時間係唔會變嘅，甚至只會更加耐，因為人口同強國同胞係咁增加，但架車就細咗。咁要增加班次，就唯有縮短列車間距，而家已經平均唔使一分鐘一班車，仲縮唔縮到去3、40秒一班車呢？

閂一次門就開到車就係咁計囉，如果一個唔好彩，有幾個喼神衝門……唉，下世先返到工啦。

封面圖片來源：香港鐵路大典、Bruce Tse/North District 北區

資料來源：Bruce Tse/North District 北區