唔知點解呢排個個都話要買禮物，去party嘅？好似話兩日之後有個咩普天同慶嘅大日子喎……毛毛咩都唔知呀，我剩係知嗰幾日放工返到屋企之後就會開始閉關上網上到下個星期先會出返嚟囉。之不過上咁多日網都會悶啦！好彩，啱啱就畀我搵到節目喇！

呢個日本網站就好似日本版嘅youtube咁，雖然規模就細啲，但都幾受日本人歡迎㗎！而佢個直播功能最近仲推出個新節目，就係喺25號嗰晚直播水蚤交配呀！有釣開或者養開魚嘅朋友就可能會知道，水蚤係一種魚仔好鍾意食嘅浮游生物嚟！不過因為佢哋本身可以單性繁殖，咁樣做會對生物多樣化做成壞影響．所以先會有今次嘅交配活動，真係好有教育意義，學到好多嘢㗎！

而為咗幫嗰兩隻水蚤加油打氣，網主仲搞咗個畫畫比賽，畫得最靚嗰個可以得到水蚤交配過嘅載片?！

唉，連水蚤都有得交配，你叫毛毛情何以堪喎……唔通真係要我鍊成單性繁殖神功……

封面圖片及資料來源：nicovideo