【這就是創意】麥樂雞料理大全


噚日全城叫雞,毛毛都忍唔住啪咗幾十隻,不過就唔使偷渡去大陸咁麻煩啦,因為總有間喺左近……咩呀!毛毛講緊麥樂雞買一送一咋!
圖片來源:techorz
有個老朋友就腥咗個訊息畀毛毛,話佢媽咪買咗盒麥樂雞做餸,仲擺得靚靚咁𠻹~

毛毛將老朋友個訊息公開之後,好多老朋友sssss(讀者)都腥咗佢哋獨門嘅麥樂雞創意料理畀毛毛參考,睇到毛毛流晒水……Well,I mean 口水呀!首先嚟個頭盤先,登!櫈!生蝦麥樂雞壽司(走飯)!

讀者來圖:Janet Chan
毛毛已經幻想到嚿生蝦麥樂雞壽司喺口入面冰火交纏嘅感覺,正呀喂!之後開始食正餐,要品評嘅就係呢道麥樂雞爆炒郊外油菜!
讀者來圖:Martin Lau
嗯嗯,毛毛齋睇相都感受到充滿啖啖麥樂雞香嘅郊外油菜呀!想有新鮮感啲,用嚟炒娃娃菜亦得,得咗!

讀者來圖:Anita Wong
跟住要介紹嘅就係呢味家傳咕嚕咕嚕麥樂雞喇!
讀者來圖:Mimi Shum
讀者仲無私分享呢味家傳小菜嘅秘方𠻹!
讀者來圖:Mimi Shum
睇落要整呢味餸都其實唔難,等毛毛都試下整畀女神食先!加埋呢個鐵板餐就pecfect池喇!
讀者來圖:Janet Chan
冇錯,就係鐵板麥樂雞餐,仲有啲醬汁𠻹!又或者好似呢位讀者咁撈啲紅咖哩汁做一味紅咖哩麥樂雞,用嚟送飯簡直一流呀!!

讀者來圖:Dawin Ma
睇下睇下,未食晏嘅毛毛都覺得好肚餓喇~不過計毛毛話齋,識食一定係咁樣食先最正!
讀者來圖:Chris Wong
麥樂雞配頂級野生魚子醬(好似係)!嗱~邊個話食M記一定係cheap吖?如果喺M記搞男神選舉,毛毛拎樽魚子醬出嚟,哼!一定大把女女撲嚟毛毛呢邊講:「我覺得你……樽魚子醬好靚呀!!!」

封面圖片來源:麥當勞
資料及圖片來源:100毛Facebook

毛記電視網站 · 版權所有 · 不得轉載 Copyright © TVMOST.COM.HK All rights reserved