其實毛毛覺得紋身好型，一直都好想紋返隻獅子老虎喺手臂，再紋埋女神個名喺心口㗎，不過怕痛痛，冇去紋咋嘛……英國有個21歲仔就威呢，紋喺全身最有雄風嘅位呀！不過就搞到佢可能以後都冇得再啪啪啪喎，唔通紋身師傅唔小心整傷咗佢「寶貝」？

呀，紋得喺丁丁位，應該都幾型嘅，唔知佢紋英文名呀，定「come on baby」呢？紋中文「你要唔要食一甩」都好喎。

估錯晒喇，全部都唔係…… 唉…… 毛毛真係好失望，佢竟然紋咗隻吸塵機卡通公仔……條吸塵管仲要啱啱好係佢丁丁…… 聽講，佢16歲嗰年紋完之後，覺得自己巧威威，成日拎部「吸塵機」出嚟曬命。有咩咁威呀，不過，嗯嗯，佢鍾意啦，年輕真好。

咁點解一個咁打耳嘅紋身，會累到佢冇得啪啪啪呢？原來啲女女一見到佢部吸塵機，就大嗌「What's that? I am off!」（即係話自己冇晒性趣，好似係）咁又係嘅，你諗下，係女女都唔想畀部咁精伶嘅吸塵機望實自己啦……

佢有諗住去做激光手術激去個紋身㗎，不過太痛佢頂唔受放棄咗，所以而家好驚以後冇得啪啪啪呀。

紋錯身啫，有得救嘅，學古天樂咁改改design咪得囉！霸氣老虎都變得意跳跳虎呀～

不過如果紋咗呢個字喺頸，就真係點改都型唔返……

封面圖片、資料來源：英國《每日鏡報》

有時真係忍唔住笑咁延伸閱讀：後悔都嚟唔切紋身集