出咗名盡心盡力好似慈母一樣咁保護香港市民嘅警察，唔單止會喺差館貼身照顧少女，仲會努力進修讀菲律賓太歷國立大學充實自己?呀！

今次要表揚嘅有5個警長同12個散仔，佢哋同木村思貝姐姐係同校師兄妹嚟㗎。班慈母喺2013年透過國力書院報讀菲律賓太歷國立大學，勤力讀書到時光倒流嘅佢哋仲疑似一齊將入學日期推前到2012年底，人哋咁努力咁做好學生都畀你班廢青話偽造文件，真係冇陰公呀！

菲律賓太歷國立大學喎，聽個名好似好架勢咁，等毛毛google下先！哇毛毛都未試過一search間大學名，全部都係賣cert嘅廣告嚟嘅喂，一定係巧合嚟啦！

據聞有慈母仲好盡責咁將啲已經獲豁免咗嘅科目同警方申請發還課程費用?，係呀即係公帑嚟㗎你同我都有份畀錢呀～

毛毛喺囧局門口執到張宣傳單張，睇到毛毛都心郁郁想快啲去做靚張resume上位呀！


有片，聽執法者流利粗口呢邊：
http://hk.apple.nextmedia.com/realtime/news/20160119/54662618

資料來源：蘋果日報 
圖片來源：szhk.com