前兩日班洗版軍團先揮軍盪失路去錯謝Lemon個page，今次冇啦啦又有人話蔡正元係蔡英文嘅細佬，呢班義勇洗版軍又再次義無反顧咁去到facebook嘅戰場上面作戰喇！毛毛真係睇到都覺得好滾動呀！


於是乎，佢哋就衝晒去蔡正元個page度洗版，查實蔡正元係國民黨㗎，唔好話親姐弟，黨友都唔係呀！




唔止去搵錯人，佢哋仲連page都去錯埋，誤攻咗娛樂版，小編竟然咁好耐性教佢哋去。呢班洗版軍團真係好幽默，講搞笑毛毛真係差好多皮，你睇吓佢哋幾咁趣緻～


毛毛用人類嘅智商已經解釋唔到點解呢班友可以咁鬼風趣，做咩啫佢哋？！！

圖片來源：聯合新聞網、蔡正元、三立娛樂星聞