就到新年，又係毛毛瘋狂擦腦細鞋嘅good騷time喇，希望擦完之後可以好似英格蘭呢個車站嘅貓貓咁，升到職啦！

呢隻叫Felix嘅喵星人，本身只係負責捉鼠王芬嘅同類嘅啫，點知佢竟然撈過界，拋埋個身出嚟做賣身陪客等車喎。

Felix仲兼職做埋check飛員?，毛毛都好想畀佢瘋狂check飛呀！

佢有時仲會喺詢問處度答乘客問題，如果你識喵星話的話都可以去問佢㗎！喵～

不過佢最識做嘅，就係喺辦公室畀職員任摸唔嬲喇！為咗上位咁出賣肉體法，係抵你升職嘅！

經過咗呢5年嘅努力付出，Felix終於由捕鼠手升職做高級害蟲防治員喇，畀啲掌聲先，啪啪啪！

雖然Felix撈咁多範，賣晒身咁，都只係升做Senior，但對比起香港良心，即係出糧唔係最重要嘅亞視嚟講，待遇已經算係咁啦......冇咩事毛毛都係出返去做嘢先喇！

封面圖片、資料及圖片來源：Felix the Huddersfield Station Cat/Facebook