班港奴日諗住上樓，連公屋都唔放過，實在太不知所謂喇！唔好誤會，毛毛唔係話佢哋冇大志，而係畀佢哋上到樓又點吖？咪又係零裝修、成個狗竇咁。以下呢幾位英國人就唔同呢，上樓對佢哋嚟講只係一個開始嚟咋～

好似呢位仁兄咁，佢本身係一個畫家嚟嘅～佢攞到公屋之後用咗12年時間裝修，一邊住一邊畫，而家仲將間屋搞到勁重文藝復興味（係咪咁叫？）！Btw，點解佢間公屋可以多過一層樓咁爽嘅......

仲有呢間屋，一定嚇到有密集恐懼嘅朋友走夾唔抖！通常十個男人有九個都唔鍾意馬賽克（起碼毛毛唔鍾意先），但呢個屋主就偏偏將啲馬賽克搞到幅幅牆都係，話咁先係尖house喎～

而呢位都唔輸蝕，以前做船長嘅佢，喺退咗休之後都放唔低以前嘅航海生活，將船上面啲嘢搬入間屋度，越整越癲，慢慢就變咗豪華郵輪咁喇！

嗚哇！個個都整到五星級的家咁，叫香港人情何以堪呀？

封面圖片及資料來源：DailyMail