自從見到毛毛樓下個看更變返黑口黑面之後，毛毛就知道，新年已經完咗，但未完嘅係......毛毛日日Let eat糕嘅命運！

而有台灣網民就同毛毛一樣，到今時今日都仲食緊糕喎，不過神奇嘅事就發生喺佢準備切蘿蔔糕嗰陣......

就係佢把刀切蘿蔔糕都切到斷呀！嘩，咩糕嚟㗎，石膏嚟㗎？硬到咁都有嘅？仲硬過毛毛條......頸喎！搞到個網民都忍唔住自嘲，話自己切緊嘅唔係蘿蔔糕，而係大理石～

btw，其實之前有把強國製菜刀切落個日本製椰菜度，個結果咪又係咁......

唔使問，一定係啲蘿蔔糕同椰菜太硬啦，肯肯定唔關把刀喺邊度出產事喎，55！

封面圖片來源：華傑／●【爆廢公社】●

資料來源：華傑／●【爆廢公社】●、ll_SeTuNa_ll／twitter

睇埋：【Made in China】菜刀劈嚿豆腐都斷？