鍾意小動物嘅男人，一定唔會衰得去邊！你睇下毛毛就知啦～筍盤嚟㗎，不過……冇人識欣賞囉。而毛毛最近都發現外國有個世界級暖男，佢嘅舉動搞到毛毛有啲濕濕哋?呀，隻眼，hehe～

是咁的，話說呢個暖男有日揸揸下車見到路邊有隻流浪貓仔好似蕩失咗路，唔知去邊咁。有啲人可能會當咩都見唔到，就咁揸走架車就算，但呢個男仔笨冇走到，仲執咗隻貓上車，想畀啲溫暖佢呀！

你睇下佢個樣c服到，毛毛隔住個mon見到都有啲想瞓呀！個男仔見到隻貓咁爽皮都唔想整醒佢，仲專登熄咗部收音機，停咗架車，唔使嘈住晒，等隻貓仔好瞓啲。嗚哇，使唔使咁貼心呀！

足足等咗一粒鐘，隻貓仔終於瞓醒喇！個男仔即刻嗱嗱聲車佢去睇獸醫，搞咗一大輪之後，終於，呢隻貓仔成為咗暖男屋企人嘅一份子，唔使再喺街度流浪喇！啪啪啪！

又有愛心，又有車，又有貓，計毛毛話，佢唔單止係世界級暖男，仲係世界級筍盤?呀！喂可唔可以順個靚便執埋毛毛返屋企啫下？

封面圖片及資料來源：Imgur