成日聽日講狗仔係主人最好嘅朋友，但係主人係狗仔唯一嘅朋友呀！所以如果你唔要佢，佢唔止冇咗一個朋友咁簡單，而係冇咗全世界呀.....

台灣前幾日就有隻狗仔，自己一個企咗喺捷運站外面，企定定喺度等，望住每一個出嚟嘅人，好似驚自己一個唔留神會見唔到主人。

啲網民估計佢係被主人遺棄，可能主人每日放工都會由呢個站走出嚟，又或者喺呢個站出面同主人分開所以一直喺度等佢返嚟接佢，所以佢咁一直企喺度唔肯走......

狗仔個樣真係好sad呀...睇到毛毛心都悒埋，好彩有好心人見佢咁陰公於是已經帶咗佢去睇醫生同沖涼，如果最後真係搵唔到主人，就會開放畀人領養。

呢個情景令毛毛諗起喺地鐵站等女神再畀人放飛機嘅情景，係幾咁傷心空虛落寞同失望......毛毛唔知佢嘅主人係遺棄咗佢定係有其他內情啦，但係老套啲講句，養毛孩之前真係要諗清楚，如果你唔要佢，佢真係會好傷心㗎。

圖片來源：白靜如、何金