好多堅離地人士都話，識搵錢一定係用錢搵錢！你哋唔好同毛毛講埋啲咩「連第一桶金都冇」嗰啲廢話呀，多有多搵，少有少搵㗎啫......嗱嗱嗱，而家機會嚟喇飛雲！！！

唔L係呀，竟然有人放100蚊紙，仲話1蚊bid起冇底價？咁就將個1蚊升值100倍，仲好搵過炒樓，正喎喂！btw，咁其實呢張「WR780213」100蚊紙有咩咁特別先？

係喎，呢個冧把又真係得一千零一張喎，唔怪得咁特別啦～

其實兩個答案都錯呀，阿賣家話，WR喺古文明瑪亞中有「幸運」、「真命天女」、「完美紙幣」嘅意思，所以先咁特別喎～any肥，唔理張100蚊紙點解咁特別，一眾網民見到呢個機會就梗係唔執輸，留返個名先啦！

嗯，估唔到咁快就由$1出到$85.5，等毛毛都要快啲出價，唔好蝕底先～嗱，講明先呀，毛毛有底線㗎，出到$99.9毛毛就唔bid㗎喇。

封面圖片及資料來源： ‎Ho Yat Cheung‎／將軍澳