啲女女成日戴埋啲大眼仔撐大自己隻眼，無非都係想睇落bling bling啲、水汪汪啲啫，計毛毛就話，如果你本身隻眼好似隻青蛙仔咁大呀，就唔使搞埋咁多嘢啦！

老老竇竇，電眼咪就係呢啲囉！毛毛隔住個mon都忍唔住眼定定咁望住佢對眼呀～

不過呢位日本網民唔止得一隻電眼青蛙仔㗎，仲有養埋其他青蛙Fd子，你睇下佢哋幾Fd，簡直係蛙蛙世界呀！

雖然毛毛有啲女同事覺得青蛙好醜樣，梗係啦，變唔到王子吖嘛，實係嫌棄㗎！但查實佢哋不知幾可愛呀，你睇下，隻青蛙仔做咗水樽守護者呀！

毛毛都好鍾意青蛙㗎，早排返工嗰陣見到隻青蛙死咗，都忍唔住企咗喺度，為佢默哀15分鐘呀～

嗚嗚，青蛙仔你真係死得好慘呀，希望你下世投胎可以有個好歸宿啦…

封面圖片、資料及圖片來源：Litoriacaeru