其實落雨又有咩好怕喎？冇錯，落雨係冇咩好怕，但次次落雨都會有一大堆飛蟻入侵你屋企嗰下先至得人驚呀嘛！而且，只要你清唔走啲飛蟻，你嘅下場就會同呢位網民一樣……就係屋企會有好多白蟻竇呀！！！

話說最近有網民喺討論區up咗幾張相，話自己啱啱搬入新屋度住先發現原來間屋有勁多白蟻洞喺牆入面！唔止咁呀，佢仲話而家每日都會有成千隻新飛入屋嘅飛蟻周圍飛，唔信睇下～

嘩嘩嘩！啲飛蟻多到呢……唔講毛毛仲以為而家拍緊《神秘的魔法石》入面哈利波特坐住掃把拎鎖匙嗰場戲呀！

見間屋搞到咁樣樣，佢咪諗住試下用自己方式同班飛蟻決一死戰，睇下用油漆封住啲蟻竇，或者噴下殺蟲水咁得唔得囉……唉，可惜結果都係99戰99負！

咁諗住同包租婆傾下啦，點知阿包租婆就話啲飛蟻係佢自己惹返嚟，冇得傾喎……

毛毛對呢位網民嘅遭遇表示同情。嗯，冇咩嘅話，毛毛出返去趕飛蟻先。

圖片及資料來源：asasas711／香港討論區