趁人少少，講個秘密畀大家知，其實……毛毛同唐牛一樣，都係中國廚藝訓練學院嘅畢業生嚟（好似係）。煮嘢食嚟講，毛毛最撚手就係整三文治、菠蘿腸仔同啫喱糖㗎喇！

而最近，有位疑似係毛毛師弟嘅日本網民就自製咗一款藍色嘅啫喱糖，睇啲啫喱糖晶瑩剔透咁，唔講仲以為係水晶嚟呀！不過有靚嘅顏色都唔係重點，重點係……佢打破咗「熄咗燈咪一樣」嘅定律呀！

嗚哇，原來呢啲啫喱係夜光㗎喎，真係同漆黑中嘅螢火蟲一樣咁出色！btw，靚就幾靚……但食咗落肚會唔會肚仔痛㗎？

做咩啫你哋？之前強國夠有藍光豬肉啦，人哋檢驗完都話冇嘢，而家係咪日本仔有夜光啫喱糖又唔得先？

btw，雖然夜光啫喱糖幾靚，但呢位網民你都係留返自己慢用啦！因為……毛毛覺得啫喱糖始終都係五顏六色、有椰絲兼有支遮仔牙籤插住先為之上品！

圖片及資料來源：guruguruuzumaki／twitter、kaixin001

延伸閱讀：【再見螢火豬】強國燈飾級食品 藍色螢光豬肉