話說湖北由上個月中開始就係咁落雨，搞到好多地方都出現水浸，而面對住惡過猛獸嘅洪水，呢對情侶竟然話驚都未驚過，因為女朋友仔會孭自己男朋友過馬路喎……

咦，堂堂一個男人點解要女人孭自己過馬路嘅？唔通係佢身患頑疾，連行都行唔到？

hey～梗係唔係啦，呢位力拔山兮氣蓋世嘅妹豬就話，自己著涼鞋，濕到水冇咩所謂，但男朋仔「穿包鞋回去還得刷鞋子」，所以咪索性孭佢過去囉！

嗱，呢啲就叫做愛的表現嘞，都係唔恨得咁多㗎喇你哋……sorry，係我哋先啱呀嗚嗚！

圖片及資料來源：搜狐新聞