雖然汪星人係巧打耳，不過要記得，唔係隻隻狗仔都鍾意同陌生人玩㗎，如果亂咁撩佢哋，佢哋可能會吠你㗎！所以出街如果見到有牌寫住「內有惡犬」，真係要打醒一千分精神呀！

好似呢間舖咁呀，雖則係落咗閘，但就雞乸咁大隻字噴咗「內有狼狗」，加上蒼勁有力嘅字體，真係嚇到寶寶個心離一離喇！

嗚呀唔好呀，毛毛都唔係賊仔又冇嘈嘈閉，隻惡犬點解都會走出嚟㗎！毛毛個屁股又黑又臭，唔好咬我呀大佬！Btw唔好蝦毛毛唔識字喎，呢隻明明就係西摩仔，唔係狼狗嚟啵。

雖然道閘落到得返一條罅仔，但隻盡忠職守嘅惡犬依然出盡奶力爬出嚟，希望看實個門口，喺破壞中維持呢個世界嘅平衡。毛毛都突然畀佢嘅責任心感動到流馬尿喇。

呢個故事教訓我哋，見到「內有狼狗」嘅標語真係要小心啲，唔好亂咁走埋去呀，唔係隨時笑死！

封面圖片、資料來源：哈士奇-小哈／微博