作為一個唔合格嘅學生，上堂就算擘大對眼冇瞓著，都唔會一秒係專心聽書㗎。唔係傳紙仔就係油黑abcd個窿，再唔係咪儲擦紙膠碎囉。係就係幾好玩，

不過諗返真係幾無聊，大家都係唔好學毛毛咁浪費時間做無謂嘢喇，除非你好似呢個神人咁勁啦！

以前啲同學仔儲咗一堆擦紙膠碎，多數都只係搓返埋一粒波，最叻都係用嚟當擦紙膠用，將擦紙膠＞擦紙膠碎＞擦紙膠碎擦紙膠＞擦紙膠碎無限loop，但呢位神一般嘅同學仔竟然當啲擦紙膠碎係紙黏土咁用嚟整火柴人！

佢整嘅火柴人唔係淨係有手手腳腳咁簡單，而係有埋動作嘅唔同運動員嚟㗎！打棒球又有，插花又有，射波又有，衝力射球又有，就連跳街舞同射箭都有呀！呢位同學仔都相當鍾意射嘢呀下，射呀射射他吧！

啲火柴人唔係話整得好仔細，不過就隻隻都咁生動！

真係估唔到連擦紙膠碎火柴人都咁有活力，如果毛毛係其中一隻，相信會係呢隻囉…… 

封面圖片、資料來源連結：dcard