而家幫個囡紮辮，笨唔係阿媽嘅專利嚟㗎喇！國家要開放，思想要開放，阿爸都一樣可以幫個囡扮靚！

好似外國呢個單親爸爸咁，一開頭係完全唔識呢啲女仔嘢嘅。但係佢為咗自己個女，希望佢可以靚靚咁返學出街，就的起心肝去上堂學！學成之後，而家仲搞咗個免費興趣班，教其他爸爸爺爺公公點樣紮辮同搽指甲油?！

成班麻甩到唔麻甩嘅男人喺度聚埋一齊幫班小妹妹搽指甲油，呢個場面你都咪話唔壯觀！毛毛隔住個mon都feel到啲愛喺咁湧緊出嚟呀哈利！

希望呢班妹妹大個咗識得自己紮辮，自己搽指甲油嘅時候，會諗返起喺好耐好耐之前，原來曾經有一對粗糙嘅雙手幫過佢哋啦。

圖片來源、資料來源：Daddydaughterhairfactory