食物嚟講，除咗味道之外，其實賣相都好重要。最近，日本動畫《少女與戰車（ガールズ&パンツァー）》就推出咗一款期間限定嘅坦克造型包，售價1500円一個，一齊睇下佢有咩咁把炮先！

有咩咁把炮？最把炮咪就係佢真係有碌用熱狗腸扮嘅大炮囉！又長又粗咁，幾威風澟澟呀！雖然呢個所謂坦克造型包，只係將一個細包放喺大包上面，再加條熱狗腸，聽落啲材料冇乜特別，不過佢勝在係《少女與戰車》嘅出品呀嘛，55。

而今日，終於有日本網民影到佢嘅盧山真面目……咦！點解條硬蹦蹦嘅大炮會變成咁樣樣㗎？

係，條腸係就係同張相入面嗰條個形態有少少唔同。之但係，起碼個坦克造型包都叫冇偷工減料，啲包都仲係咁大個，條腸都仲係咁長咁粗吖！反正食落肚都一樣，不用分那麼細啦～

老老77，你哋估條腸keep住全日都咁直不甩唔攰㗎？好心你哋畀條腸唞下啦！

資料來源：Girunabe／twitter