2016年12月20日 星期二
【搵食艱難】喺超市賣長腳蟹嘅哥仔都要識魔術！
花師奶教落：唔食lun廚去食tea再去超市瘋狂試食就最慳錢最實際！喺日式超市行個圈，靚湯、蜜糖、牛扒、冷麵……乜都有得試食，真係諗起都爽呀～不過你哋班人一個二個食完就走，叫sales哥哥姐姐點交數呀？好彩c9識試食，售貨員都識出招等你喺佢個counter留耐啲！
唔好以為呢位只係普通嘅四眼哥哥呀，賣長腳蟹只係佢表面嘅掩飾，其實佢真正身份係「大胃膏蟹飛」！唔信？睇住喇，佢一伸隻手出嚟咋，隻蟹就已經畀佢嘅神秘引力控制住，仲凌空飛起?！
「大胃膏蟹飛」笨唔係浪得虛名嘅，佢撚完一隻蟹，又再吸多兩隻蟹上半空，完全見唔到有魚絲或者出千，更加見唔到有助手踎喺隔籬幫手㗎！
享受完一王三蟹嘅畫面之後，佢慢慢將其中一隻蟹引去煲熱水上空，再啪一下手指，隻蟹就乖乖跌落煲入面準備成為試食材料喇！估唔到日本超市唔止有免費試食，就連咁高質嘅魔術表演都有得睇，唔怪得圍觀嘅c9們個個都拍爛手掌啦，真係連花師奶都想唱返句「別怪他～」呀！
ん！？！？！？店員さんすげえｗｗｗｗカニ浮いてるｗｗｗｗｗ pic.twitter.com/CUkKLVtMpQ
— 月詩。@新作近日公開 (@tukiuta_2525) December 19, 2016
封面圖片、資料來源連結：tukiuta_2525／twitter
《打工仔搵食艱難實錄》
