對於地獄廚神嚟講，煮嘢煮得難食唔係最令人傷心，而係跟足晒人哋個食譜煮都出事先係最悲哀呀！一樣嘅材料同一樣嘅方法點解會得出唔同嘅結果？唯一嘅解釋咪就係人嘅問題囉。連賴都冇得賴，真係一個不願面對的真相呀！

日本最近有個網民，放咗個古古力茶碗蒸食譜上網，個個見話用個微波爐就整到咁Easy，咁咪9衝去試整囉～點知一整就將大家嘅地獄潛能釋放晒出嚟喇！

第一位受害者叮到個茶碗蒸爆到周圍都係，個案發現場就好似個微波爐畀一百隻大笨象奔騰同畀尼瓜拉瓜瀑布衝擊完咁呀，佢阿媽返嚟見到個微波爐，個樣應該會同隻杯一樣，唔止嬲到紅都面晒，仲黑都面埋呀！

不過都唔夠二號受害者咁慘，呢個微波爐簡直就係壯烈犧牲啦！成個炸到黑鼆鼆咁，個杯仲好似火山爆發完咁出緊煙?。古乳有暈，生命冇Take2，煮嘢食呢家嘢，地獄廚神真係不可一，不可再呀！不過又唔使太難過嘅，咁多人都Fail，話唔定唔係你錯，係個食譜錯呢，55，一定係呀。

點知呢個時候就有人PO文話佢成功咗呀！嗱嗱嗱，做人嘅嘢唔得咁㗎，真嘢都唔好攞出嚟講呀嘛，你有諗過Fail咗嘅人嘅感受嗎？沒有！Between，點解所謂嘅成功品，個賣相睇落都好似隱隱約約有啲失敗咁嘅？

封面圖片及資料來源：Rove_Luxun／twitter、OSHIRI_51／twitter、n4086730／twitter、key__2000／twitter