一講起天使，大家都有唔同嘅FF，有人想見到個好似深田恭子嘅卡哇依嘅天使，畀佢啜啖，又有人想見到個金城武咁型英帥靚正嘅天使跌入自己間屋。不過天使事必靚仔有型，呢啲都係你啲凡人一廂情願嘅諗法咋喎，畀你見到真嘅天使又會點先？

有位網友一出門口就見到有天使「降臨」喺街度，真係嚇到心都離一離呀！不過睇真啲，似係天使嘅兇案現場多啲喎。你睇下天使瞓咗喺度郁都唔郁結晒冰，隔離仲有塊碎咗嘅透明物體。以毛毛9估開嘅偵探頭腦，一定係天上其他天使亂拋垃圾掟中咗呢位飛行中嘅天使，所以搞到佢從高處墮下喇！55，一定係！

叫咗你哋唔好亂抛垃圾㗎啦，真係天使都畀你哋玩死呀！不過好彩呢個只係用雪砌嘅天使，如果唔係你掟親好似深田恭子咁正嘅天使，肯肯定成班毒L搵你算帳呀！出門口見到天使都未算最驚，如果你夜晚返屋企多咗個人喺你部單車上面⋯⋯

「喵～」呃⋯⋯如果多咗呢隻貓喺上面都冇咩嘅⋯⋯但係單車主人就唔知趕唔趕走呢隻貓好喇！你去買完罐罐記得泊返好架車還畀人呀！見到人哋啲雪人咁得意，真係唯有感嘆一句，這些機會⋯⋯

封面圖片及資料來源：ekayokekay_U／twitter、__su1ma​／twitter