自從侵侵正式侵入白宮之後，大家都好忙呀，不過似乎就唔係忙住睇佢有咩新政策上場，而係睇佢啲圖集……最近就有個垃圾桶因為畀人強行塞咗個紙皮箱入去之後，加埋個黃色蓋個樣勁似侵侵而畀網民瘋傳喇。

由於時間關係，已經為大家準備咗退地version。有侵侵垃圾桶呢個咁好玩嘅萬能key，咁多位隱世PS大神仲唔出手改圖咩？即刻睇下有咩精彩作品先！

呢幾張將侵侵改做侵侵垃L圾桶，都算正正路路嘅。

侵侵就職典禮當日，奧太收到新第一夫人嘅禮物嘅時候，竟然唔小心喺鏡頭前流露無奈表情。外界一直9估佢到底收到啲乜搞到咁樣樣，而家終於知道喇，原來係侵侵垃圾桶……咁奧太個樣都已經算幾畀面啦係咪？

坊間流傳侵侵同最強普京秘密來往，二人騎馬增進感情，有圖有真相……

喂呀咁多位PS大神，手下留情啦，你估個垃圾桶自己又想成個侵侵咁樣樣嘅咩，黃色蓋就話人似侵侵，佢而家應該寧願染個青色頭都好過仲keep住頭金毛……垃圾桶躺著也中槍，真係戥佢慘豬，明明佢都冇大眼袋又冇西方面口，其實都唔算真係好似侵侵啫……

封面圖片、資料來源連結：twitter

延伸閱讀：【不要吃侵侵】點解連食魚生都要畀我見到你！