眾所9知，美國版嘅《午夜凶鈴》已經拍到第三集，而今次《回魂凶鈴》（Rings）嘅導演仲搵咗柔術表演家Bonnie Morgan嚟做貞子呢個角色?。喂，話明係柔術表演家，梗係乜嘢高難度嚇人動作都難唔到佢㗎啦！嗱嗱嗱，電影poster入面扭埋一嚿嗰個咪佢嚟㗎囉～

雖然香港暫時就未有得睇呢套《回魂凶鈴》住呀，但聽講台灣嗰邊已經喺早兩日上映咗喇喎～

老老77，以睇戲打卡嚟講，影張戲飛或者同張電影poster影合照嘅毛毛就見得多啫，但擺返貞子嗰個高難度扭埋一嚿甫士嚟同返張《回魂凶鈴》poster合照嘅，毛毛都係第一次見咋喎！小姐，你條腰還好嗎？

話說呢位台妹話自己喺戲院一見到呢張電影poster，就覺得貞子擺呢個甫士好似係笑緊佢啲筋唔夠軟咁，所以佢咪嘗試擺返同一個甫士囉！睇下，淨係貞子你先做到咩？我夠做到啦！

台妹呀台妹，雖然你出動到絕對領域嚟同貞子決一死戰的確係勇氣可嘉，但呢度係大庭廣眾嚟㗎，你都係乖乖地入場睇戲，唔好阻住其他想打卡嘅人啦好嗎？

資料來源：TrailerTubeHK、郭佳盈／爆廢公社

睇埋：【立體咖啡拉花】隻貞子使唔使咁應節呀？