相信好多養寵物嘅人都唔會當佢係一個玩伴咁簡單，而係當正佢係家人，甚至係自己生嘅咁嚟錫，喺心入面佔咗個好重要嘅席位。試諗下，如果屋企人突然間失咗蹤，你一定慌失失、個心唔止穿咗個窿，直頭好似畀人咬咗一忽咁痛呀！

最近泰國有個奴才就衰呢，一個唔小心畀主子走甩咗，搞到佢不知幾緊張！好彩佢都醒目，即刻將主子啲相整做尋貓告示周街貼，所以好快就搵返主子喇！不過正確啲講，唔係佢搵返主子，而係主子自己返嚟屋企啵。

「嗚呀好感動呀！奴才搵得你好辛苦呀主子！係奴才護駕不力，請主子恕罪！」

「發生咩事呀……朕都係出去行個圈、巡視下江山啫，奴才你都唔使咁大陣仗打晒鑼咁搵朕下話？咁失禮點帶你出去大場面呀蠢才……」

「咁耐冇見，抬頭個頭畀朕望清楚下你？係咪諗住如果朕唔返嚟就可以東家唔打打西家，跟過第二個主子呀？呢世都唔使旨意呀，返去剷屎啦賤骨頭！」

主子平安返嚟就好喇，奴才終於唔使咁擔心喇！你都快啲掉返晒尋貓告示佢啦，唔係一陣主子話廢事你嘥晒啲尋貓告示，真係玩失蹤畀你睇就大鑊喇！

ก็แค่ไปเดินเล่นแม้ะ แค่นี้เอง! #โฮชิแมวหน้าง่วง pic.twitter.com/UIhFy4JW9R

— gold snafu (@knxxkns) February 23, 2017

封面圖片、資料來源連結： knxxkns／twitter、hoshimailling／twitter

《寵物界影帝提名名單》
【可憐的柴柴】驚你冷親先畀衫你著啫 個樣使唔使咁慘呀

【表情滿分】救命呀！我卡咗喺個窿度出唔到嚟呀！