仲以為個古人雕像發脾氣掟本書出去 點知原來係路燈

大家都做過學生,大家都知道讀書壓力有幾大。不過原來唔止而家呢一代嘅同學仔先至讀書讀到唞唔到氣,連飽讀詩書嘅古人都一樣會讀到壓力爆煲㗎喎!如果唔係呀,以下呢位古人又點會發晒脾氣咁掟書啫!嗱,有圖有真相:

圖片來源:Lynx黑貓愛/微博

「唔讀呀!唔L讀呀!」

是咁的,話說最近有網民喺北京街頭見到個古人雕像竟然識得掟書,而且本書仲要凌空飛咗出嚟咁款𠻹……嘩唔通真係「你有壓力,我有壓力」,連古人都要掟書發洩?另外,聽講呢個古人雕像對面仲要係學校嚟㗎喎,唔知個古人雕像掟書係咪想鼓勵同學仔釋放壓力呢?

喂喂,好心大家咪咁多幻想住先啦!睇真啲,個古人雕像唔係掟緊本書出去,本書只係街燈嚟㗎咋!

圖片來源:楊侑勳/爆廢公社

btw,其實呢個咁美麗嘅誤會都唔係第一次發生㗎喇,早前有班十八羅漢咪又係咁樣畀人以為佢哋開緊巡迥演唱會!大家睇下最近鏡頭嗰位,係咪十足十唱到好似「兒夜姨野以夜儀野」咁呢?

 

 

 

資料來源:Lynx黑貓愛/微博楊侑勳/爆廢公社

回帶:【我有冇眼花】十八羅漢都開巡迥演唱會?

毛記電視網站 · 版權所有 · 不得轉載 Copyright © TVMOST.COM.HK All rights reserved