人類總係要犯同樣嘅錯誤，得到咗啲嘢之後，一開頭就好珍惜，過咗一排見人哋殘晒啦，冇開頭咁靚咪當佢係草囉！你諗咗去邊呀，講緊屋企隻鑊咋～一開始買嗰陣就錫住嚟用，開大火啲，洗嗰陣大力少少刮都怕整花，但係隻鑊用耐咗，開始起漬就由得佢醜樣落去喇，最多咪換隻新㗎囉～

所以咪話你啲人貪新忘舊囉，明明隻pan仲用得，見人哋醜樣就掉咗人哋。你實話你好畀心機捽都捽唔甩啦～古乳有暈，世上無難事，只要夾硬嚟！好多嘢係睇你堅唔堅持㗎啫～唔信，呢位網友就證明你睇！

呢個煎pan真係仲黑過你做錯嘢嗰陣腦細塊面呀！聽講個pan邊本來應該係藍色㗎，藍？邊忽藍呀？網友自己都睇唔過眼要出手喇！

唔通網友有咩神奇秘方，可以有效除漬？咁就要跟佢學下嘢喇！

唓，咪又係洗潔精同洗碗布～傻豬嚟嘅，呢個世界上，冇嘢係努力做唔到㗎嘛，好似係。於是呢位網友好努力咁係咁省係咁省⋯⋯省咗三個半鐘之後⋯⋯

奇蹟出現喇！個pan靚仔返晒喇～原來多得Gundam最新一集，搞到呢個網友受咗好大打擊，於是就用咗成三個半鐘邊喊邊省，呢個鑊先可以重獲新生咋～呢個世界，而家仲有幾多人會花咁多時間去省令一樣嘢㗎？有，咪你腦細囉～唉，明明毛毛平日都成日畀腦細省到立立令㗎，點解都冇靚仔咗嘅？

封面圖片及資料來源：40izy／twitter