【超強老竇】同囝囝玩尋寶遊戲都設計得咁專業?

現代人唔好話抽時間陪小朋友玩吖,小朋友得唔得閒陪你玩都成問題呀!話晒一日咁Full Schedule,放學又要補日文、俄文、實用文,又要學搖鼓、太鼓,非洲鼓,返到嚟做完功課寧願瞓多陣同打多陣機好過啦,仲邊得閒應酬你呀?

所以而家做人阿爸阿媽真係甚艱難,就算想囝囝陪下你玩啲益智遊戲,都要絞盡腦汁先可以喺電話身邊搶佢返嚟呀!

圖片來源:thiswayandthatway/imgur

外國呢個阿爸,為咗引個仔陪佢玩尋寶遊戲,認真製作咗尋寶地圖同其他線索,借啲意畀囝囝搵到,再叫囝囝動動腦又轉轉彎,搵出收埋喺屋企附近嘅寶藏!

圖片來源:thiswayandthatway/imgur

首先就由摺紙開始!原來將右上角張紙跟住條線摺埋就會見到係咩字㗎喇!「Under Step」即係樓梯下面啦~GoGoGoGoGo!

圖片來源:thiswayandthatway/imgur

圖片來源:thiswayandthatway/imgur

又係紙?今次又玩咩呀?除咗一截地圖,就係一張有漩渦圖案嘅紙,背後就有堆英文字母,好似人哋玩碟仙咁。唔通叫你諗唔掂就用碟仙問祖先?

圖片來源:thiswayandthatway/imgur

哦~原來仲有道具嘅~畫個圈就搵到要咩字,今次輪到「Front Bush」喇~

圖片來源:thiswayandthatway

喺前園又搵到幾張紙,天呀!究竟仲要搵幾多張呀?一張就有兩把劍,另一張就好多窿⋯⋯謎底已經解開喇!啲窿一定係用係有字嗰張嘢度嘅!

圖片來源:thsiwayandthatway/imgur

咁易畀你諗到答案就唔係解謎啦,原來仲要用埋一開始個個漩渦鐵片呀!配對啱先揀得啱字㗎~

圖片來源:thiswayandthatway圖片來源:thiswayandthatway/imgur

最後就喺樓梯底搵埋淨低嗰塊地圖,咁個寶藏究竟喺邊呢?

圖片來源:

原來就係你!只要跟指示放埋有兩把劍嗰張紙上地圖就搵到㗎喇!咦,寶藏就喺屋企隔籬咋喎,仲唔快啲掘?

圖片來源:thiswayandthatway/imgur

圖片來源:thiswayandthatway/imgur

成個遊戲又要用腦又要跑嚟跑去,其實都幾攰㗎,不過囝囝玩得不知幾開心,仲要自己落手落腳掘個寶藏出嚟𠻹呀!

圖片來源:thiswayandthatway/imgur

雖然呢個寶藏只係一堆普通銀仔,但係對於囝囝嚟講,爸爸願意花咁多時間準備,又陪埋佢一齊去搵,呢個遊戲本身已經係一個寶藏啦~囝囝咁細個就叻仔,第時出海去搵One Piece都肯肯定冇問題呀!

 

 

封面圖片及資料來源:thiswayandthatway/imgur

毛記電視網站 · 版權所有 · 不得轉載 Copyright © TVMOST.COM.HK All rights reserved