42吋長腿係女人嘅夢想，亦都係男人嘅幻想。唉，不過理想歸理想，咁容易擁有42吋長腿就唔會個個妹豬都要美圖獸獸，瘦到連空間都扭曲埋啦～

其實呢個世界仲有好多長腿美女嘅，人哋冇特登show對腳出嚟啫～一show分分鐘令一眾腳膠瘋狂呀！

喂，家陣講長腿關貓頭鷹咩事呀？平時睇人畫公仔啲貓頭鷹明明係圓碌碌唔見咗對腳㗎喎！就算睇佢哋啲覓食片，都唔覺佢哋對腳伸得好長啫⋯⋯

唔通人哋禾稈冚珍珠又要話過你知咩？人哋貓頭鷹平日用啲豐盈濃密嘅羽毛收收埋埋咋，一拎起啲毛，對腳真係長到自己都驚呀！

「?仔，見識到咩叫長腿未呀？零PS㗎！」 

係喇～知你威喇，好一對奪命香雞腳呀下！有網友就話，點解呢隻長腳嘅貓頭鷹望落咁有親切感嘅呢？

你咪就係魔霸？！望落又真係幾似喎衰鬼，莫非作者畫呢款機動堡壘嗰陣就係搵貓頭鷹做原型嘅？

難怪有人話長腿可以征服世界啦！腳短嘅妹豬恨唔到咁多㗎喇，話晒長腿呢家嘢，基因決定一切，真係名副其實嘅贏在身寸米青前呀！大家都係繼續P圖罷啦，記得唔好搞到連隔籬張櫈都變埋長櫈腳就得喇～

ふくろうの足の長さに衝撃‼️‼️‼️? pic.twitter.com/yfA8q8oxkk

— FMノースウェーブ 【ステドラ！】 (@sds_north) 2017年4月22日

封面圖片及資料來源：sds_north／twitter