毒L最痛唔係喺打機嗰陣識咗條女，約咗佢出嚟先發現佢係麻甩佬。而係你約咗佢出嚟，見到嗰陣都仲以為佢係一個靚女，直到你表白嗰陣先知佢係男仔呀！冇計啦，邊個叫而家啲喬裝技術咁高明先得㗎⋯⋯而家有好多偽娘仲索過普通女仔呀！

俄羅斯就出名係戰鬥民族，戰鬥力驚人，講緊唔止係喺戰場，就連情場戰鬥力都極高呀！梗係啦，啲仔仔同女女個個都樣靚身材正，見到都暈晒浪啦～就連偽娘都不同凡響呀！

早排俄羅斯一間內衣公司搞咗個網上選美比賽叫啲妹豬up相參加。而呢位參賽者叫Ms Avocado，咁咪即係牛油果？真係見到都想咬一啖呀！嘩！索到呢⋯⋯毛毛不行了！

呢張清純得嚟又有啲挑逗，睇到個人都濕晒⋯⋯成身熱血沸騰出晒汗呀！仲有冇呀，呢啲好嘢梗係要Save嚟做J圖，再Send畀啲Fd子開心Share㗎啦！

Come on！鞭打本王啦！呢粒牛油果Sexy又得，清純又得，咁咪得咗囉！即刻拎咗個網上內衣比賽冠軍呀～簡直實至名歸啦！應該係嘅⋯⋯唯一嘅問題係⋯⋯

佢其實係一個男人呀！呢位索女嘅真身其實叫Andrey，係一個百分百男子漢嚟㗎。為咗參加比賽，佢唔止搵咗佢女朋友幫手化妝，仲著埋女朋友啲under同bra?啵～唔知女朋友見到男友咁索有冇少許妒忌呢下？

Any肥，就算Andrey哥幾索都好，話晒份獎品係由專業攝影師影一輯相，人哋滿心歡喜想同個索女影相㗎嘛，Andrey哥你叫攝影師情何以堪呢？最後官方就抽起咗佢份獎品畀另外三個女參賽者平分。

有網友就覺得咁對Andrey哥好唔公平，話如果係咁嘅話就一早set條規矩淨係畀女人參加啦！點都好啦，都算係肯定咗Andrey哥嘅美貌吖～話唔定之後大把公司搵佢做Model呢！

封面圖片及資料來源：每日郵報