【側泳啫】說好的治癒系金魚呢?點解我扭極都係得條死魚㗎!

圖片來源:raerisu_moka/twitter

話說,最近有日本網民喺街見到一款好吸引嘅扭蛋,於是就走咗去扭啦⋯⋯

圖片來源:raerisu_moka/twitter

圖片來源:raerisu_moka/twitter

嗱,大家見到,呢個價值200円(大約14蚊港幣)嘅扭蛋入面就有一個圓形樽、一包藍色透明膠同一條假金魚嘅。佢話喎,只要你將包藍色透明膠同條假金魚塞晒入個樽裡面,咁你就可以有一個超治癒嘅金魚擺設㗎喇!嗯,望住個咁有生氣嘅擺設實人都精神啲頂嘞!

圖片來源:raerisu_moka/twitter

圖片來源:raerisu_moka/twitter

不過唔知係咪因為呢位網民塞啲嘢入個樽度嘅時候塞得唔好呢,條金魚整極都係成條死魚咁樣樣喎⋯⋯嗚哇,說好的治癒系金魚呢?點解我整極都係成條死魚咁㗎!

扭蛋嘅嘢衰咗一次唔緊要,一次唔得啫咪再扭多次囉!如是者,呢位網民就扭咗三次⋯⋯

圖片來源:raerisu_moka/twitter

圖片來源:raerisu_moka/twitter

真係可惜,呢位網民除咗扭咗三次都係死魚之外,仲要三次都係同一款魚𠻹!唉,唔通個天真係咁唔鍾意呢位網民?就算個天想佢扭到死魚都唔使三條同款呀嘛?畀三條唔同款嘅死魚都好吖⋯⋯等到扭完嘅時候先後悔莫及,塵世間最痛苦嘅事莫過於此!

btw,其實計毛毛話,呢個扭蛋邊係理想同現實不相符啫~以毛毛9估,應該係呢位網民誤解咗條魚啫!人哋明明係側泳緊㗎嘛,你做乜話人死啫?死死聲幾難聽呀!

 

 

 

 

資料來源:raerisu_moka/twitter

毛記電視網站 · 版權所有 · 不得轉載 Copyright © TVMOST.COM.HK All rights reserved