無論大人細路哥，總會有想「射波」嘅毛文。不過要想扮病射波都唔容易㗎，一個唔小心露出破綻或者出街畀人見到咁就GG喇！

日本女星加藤紗里最近喺Twitter度Post咗幅相，話自己發燒發到40度，所以先喺東洋鯉魚隊對益力多燕子嗰場棒球賽度睇睇下早走喎。嘩，成40度咁犀利，相信Fans都唔會怪你嘅～

不過有摩擦力驚人嘅網友就發現，佢手上面嗰支探熱針明明寫住37.1度㗎喎！唉～畀百五蚊買張醫生紙咪好囉，拎咩探熱針呢，出事㗎嘛！再唔係，而家啲人咁鍾意Post自己發燒時影嘅探熱針上網話畀人知自己幾慘豬，你求其「借」一張咪得囉～

有另一個網友就話，其實你哋怪錯佢喇！其實加藤紗里唔係話自己體溫有40度，係話個頭側嘅角度有40度呀！貼心嘅網友仲key埋個量角器畀大家睇?，有圖有真相㗎。 

計毛毛話，一定係出面啲空氣太凍，搞到支探熱針跌咗幾度啦，55，一定係！再唔係佢一定係講緊4捨5入，37度1四捨五入咪40度囉！咁計法，大家都應該發緊燒喎，仲唔快啲「熄?」走人！

封面圖片及資料來源：sari_kato0619／twitter、Janner_0d／twitter