老當益壯，聲稱自己行路快過電車嘅薛國強又有新金句喇啵，佢喺接受《壹週刊》訪問嘅時候，提出一個好有前瞻性嘅觀點：香港冇條件講文化呀！

係囉，由金鐘去中上環，行都行到去啦，使乜搭叮叮？中上環去灣仔又係行都行到去，灣仔又行到去老銅，行下行下，咪貢咗去柴灣囉，根本成條電車線都多舊魚嘅。

薛小明仲話呀，香港地少人多，冇資源去發展多餘元文化呀。講得冇錯，香港地，小人多，土地問題仲多。唔知薛小明有冇性趣參選下屆特首呢？

其實點止電車？香港仲有唔少文化都好多餘，好應該被消失！

資料來源：壹週Plus

延伸閱讀：【小明出現了！】薛國強行路仲快過電車？