相信試過淘佬嘅讀者都知道，客人評價對店主有幾重要，如果你畀咗差評就好似攞佢條命咁，佢會用盡吸奶嘅力去說服（煩9）你改返做好評！

就好似呢個憤青店主咁呀，寄件穿窿衫畀人仲鬧返個客畀差評佢，其實你點鬧人哋都唔會改返做好評㗎喇，慳返啖氣啦。

嗱，呢個強國網購店主就靚叻醒喇，深明客仔受軟唔受硬嘅硬道理，寄貨畀客嘅時候就附上一封信，用真誠真心真情去打動客仔，同客仔講：「如果你畀少過3粒星或者畀負評我，我會畀腦細罰㗎」，成功搏得同情，仲再下一城講咗句「our boss is an asshole」，進一步引起共鳴！

I know that feel ar bro，乜都畀你講中晒，你寄件爛貨畀我都五星啦～

封面圖片來源：每日鏡報

資料來源：英國《每日鏡報》

延伸閱讀：【淘寶憤青店主】「香港人騙錢不成就差評」