仲有唔夠一個月就區選喇，區議員候選人唔止要出盡奶力，仲要出埋超必，先可以吸引到街坊投下神聖嘅一票！

介紹自己興趣係「玩公仔、識女仔」，同街坊拉近距離做個FD子，都ok嘅，不過選區議員始終係做實事先最重要嘛。

學下禮義廉呢位根叔啦！頭頂有樹枝吊吊揈，容乜易延伸出嚟攻擊途人？根叔一見到，即刻take action call人嚟做嘢，仲要唔係call 1823咁hea，係打3條9！成功化解一場危機，絕對係急市民所急嘅表表姐。

除咗做實事，同街坊互動都好緊要㗎，好似呢位馬議員咁，成日都會喺404 not found有禮貌咁回覆佢啲支持者嘅留言，連叮噹同大雄都係佢fan屎呀。不過馬議員就…… 唔小心唔記得咗換返account先覆留言同人講多謝囉。

驚用錯分身留comment，不如學慈母咁，一個comment都唔覆，咪乜事都冇囉～

資料來源：馬軼超2015區選專頁

延伸閱讀：【誠實候選人】興趣玩公仔、識女仔？