話說早排香港網民發現日本新上畫嘅《櫻桃小丸子》電影入面有個香港人角色教小丸子日文「阿喱加多」嘅中文係「谢谢」，超級嬲豬！香港人係講廣東話同用正體字㗎嘛！點會講蝗語、用殘體呢？

健吾早兩日就喺facebook話畀大家知，佢已經同Sakura Production嘅朋友確認，小丸子電影版入面嘅香港人角色會講返廣東話「你好」，而唔係蝗語「谢谢」喇～

大家都巧kai針日本東寶電影公司咁聆聽民意、尊重香港文化嘅時候，就一個人，依然好嬲豬。呢個人，就係王友良（即係跳甘大滋舞嗰位哥哥），而佢嬲嘅係，健吾呀！佢話問過晒Sakura Production嘅成員，都冇人識健吾，叫佢唔好再用「Sakura Production朋友」嘅字眼，如果唔係就要告佢呀！

乜原來一定要識先可以叫做「朋友」嘅咩……咁啲歌手開演唱會係咁嗌「山頂嘅朋友你哋好」，同成幾百人認親認戚，咪好過份？！喺日本，「朋友」嘅意思，就係大家都識大家嘅，而廣東話呢，「朋友」可以係一個表達友善嘅稱呼，更何況，健吾同井下小姐之前都有聯絡過，唔係白撞㗎。

55，王友良話自己係從事櫻桃小丸子有關嘅工作㗎嘛，但係又發現唔到電影入面個角色講錯「些些」……不過毛毛相信佢唔會咁大頭蝦嘅，可能佢真係太鍾意小丸子，掛住望實小丸子個得意樣先唔得閒睇其他角色講乜啫～

呀，上面提到王友良拍過甘大滋廣告，冇印象唔緊要，片呀：

封面圖片來源：健吾facebook、王友良facebook

資料來源：健吾facebook、王友良facebook、youtube

延伸閱讀：【殘體字嚟嘅喂！】小丸子電影驚現香港人講普通話