2016年03月08日 星期二
【密集恐懼】Fashion嘅嘢，你識條褲咩！
時裝界秒秒鐘幾廿萬套新衫上落，真係要隨時mon實先可以跟住潮流，甚至帶領潮流尖尖㗎！
唔好以為時裝界只係後生仔女嘅舞台呀，大媽都一樣可以係潮流教母，睇下呢班媽媽，個個都著紫色羽絨再恤返個微曲髮，成個女團咁呀！
如果想突出些少，都可以參考下台灣呢位大媽條緊身褲，以宇宙漿緊身皮褲作為基調，加上興咗幾年都死唔斷氣嘅bling bling土豪金，再襯埋至潮鏤空元素，成功打造一個密集恐懼症慎睇嘅恐龍look呀！毛毛冇點你㗎，只要有咗呢條褲，去到謝師宴仲使乜怕會冇人睇到你呀。
毛毛都想買返條潮下呀，點知見到model示範，一啲都著唔出大媽嗰陣自信感覺同親切感囉，即刻唔想買喇，都係大媽著得好睇好多！唉，Fashion嘅嘢，你識條褲咩！
封面圖片、資料來源：●【爆料公社】●
＜潮流尖尖系列＞
