有冇搞錯！究竟仲要有幾多小動物為咗畀人影相呃like而整死呀？上上次係小海豚，再上次就係鯊魚，今次就輪到天鵝喇⋯⋯

本來呢隻天鵝喺馬其頓嘅湖邊度游緊水，過得好C服㗎！點知突然間就畀個保加利亞遊客扯咗佢上岸！

天鵝心諗做乜9，係咁掙扎想即刻走人，但可惜畀個遊客大大力捉住咗影相呃like，想走都走唔到⋯⋯唉，毛毛隔住個mon都feel到隻天鵝好唔開心囉！

最後個遊客影完相，就隨手咁將隻天鵝掉喺岸邊，拍下個籮柚就走人。之後有人發現，原來呢隻身世咁可憐嘅天鵝，已經郁都郁唔到，證實死咗喇嗚嗚！為咗影相竟然連動物嘅命仔都唔理，咁鍾意呃like吖嘛，毛毛就偏偏畀個angry你！哼！

千祈唔好學系列：

【以為自己巧威威？】夾硬拖擱淺鯊魚上岸影相

【人神共憤】泳客掛住影相玩死小海豚

資料及圖片來源：news.au