老老竇竇，毛毛back after lunch嘅健康人生好習慣，都係中學嗰時培養返嚟。當毛毛仲係隻不知世途險惡嘅中學雞嘅時候，一個唔小心瞓晏咗，咪斯斯然食埋個早餐先返去囉，遲到咋嘛，記小過咋嘛，又唔會冇咗忽肉嘅～

可能阿Sir 搣時實在頂唔順毛毛呢種壞學生嘅存在呀，所以決定要整頓下班馬騮，以後邊個再遲到，就罰佢抄＜弟子規＞！嘩，篇文成千幾字，hea hea下都要抄成個鐘先掂喎！不過老師都係想你哋乖乖地唔好少壯不努力老大做毛毛啫，如果你抄到「朝起早，夜眠遲，老易至，惜此時」呢句就會明㗎喇仔。

其實遲到先要罰咪算好囉，有啲方丈連畀學生笑佢光頭都要罰人呀！遲到可以避免，但想笑7阿Sir嘅心人皆有之，所以人哋仲慘啦仔！

封面圖片、資料來源：名校 Secrets

延伸閱讀：【啲中學回憶返晒嚟】咁唔玩得㗎 笑下老師光頭都被警告喎