做隻貓～做隻狗～不做打工仔～毛毛都好想做隻狗仔，日又瞓夜又瞓，主人出咗門口返工，佢就大瞓特瞓，主人收工返嚟喇，又乖乖地咁陪佢覺豬，都不知幾爽呀！

睇下呢隻狗狗，攤喺地毯上面覺覺豬，睇見都feel到佢瞓得幾甜呀～佢仲要伸長晒啲手仔腳仔，成隻小天使咁，唔知發緊咩夢呢？唔通係夢見自己游緊水？

佢個主人幾奀皮呀，見到狗狗瞓成咁，唔抱佢上床幫佢冚被都算啦，仲要出動PS大神幫佢改圖，搞到狗狗變咗萬能key！

哈～利路亞～～

毛毛最like都係呢張，狗狗天使同天使魚真係好match呀！都話狗狗肯肯定係夢見自己游緊水㗎啦！

唔知呢隻返工返到攰過隻狗，就算瞓喺路邊都在所不惜嘅水豚，又發緊咩夢呢？

封面圖片、資料來源：sakurai_energy/twitter

得閒睇埋：

【出嚟啦PS大神】潛力半身貓畀網民瘋狂改圖

【放肆PS大神】英女皇都夠膽拎嚟改圖？！