2017年01月21日 星期六
【望夠未】整個咁嘅雪人喺路邊係咪想嚇死人！
其實落雪，又有乜好怕喎。凍到落雪嘅天氣，有人死都唔會出門口，留返啖氣暖肚好過，不過都有人會變身雪之子，當街上嘅雪係上天賜嘅免費玩具，一年一度玩返餐勁㗎！行幾步就見到龍貓雪人，轉個彎又見到《銀河鐵道999》美達露雪人，仲開心過去冰雪嘉年華呀！
個個都玩雪玩得咁high，小朋友你做咩自己一個擔住把遮坐埋一邊呀？
嘩X，睇真啲，原來係個像真度極高嘅雪人先啱！邊條友整埋晒啲咁恐怖嘅雪人喺度呀，真係唔凍死都嚇死呀！
個雪人整到同真人一樣比例，已經見到都個心離一離，仲要好整唔整，整埋對咁憂鬱又空洞嘅眼珠，簡直好似行到邊都會畀佢望到邊咁，一直望到你心裡發寒……
唔好再望佢對眼呀，會變雪人㗎哈利！話唔定佢都係望過另一個雪人對眼，先變到而家咁㗎！
家の前にこんな奴おったら、失神するわ。 pic.twitter.com/EsY7GAvAL9
— うたさん@相互フォロー (@joker_budou) January 20, 2017
封面圖片、資料來源連結：joker_budou／twitter
《日本冰雪奇景系列》
【神之手】車頭有個用雪砌嘅《銀河鐵道999》美達露仲點捨得開車？
